(روز نامہ قدس ۔آنلائن خبر رساں ادارہ ) حماس کے ترجمان نے امریکا کی جانب سے بین الاقوامی فوجداری عدالت کی اسرائیل کے جنگی جرائم کی تحقیقات کی مخالفت پر سخت تنقید کرتےہوئے کہا ہے کہ امریکہ بھی فلسطینیوں کے خلاف صیہونی ریاست کے جرائم میں برابر کا شریک ہے۔
مقبوضہ فلسطین میں صیہونی ریاست کی ریاستی دہشتگردی اور مظالم کے خلاف مسلح مزاحمت کرنے والی تنظیم حماس کے ترجمان نے بین اقوامی فوجداری عدالت کی جانب سے صیہونی ریاست اسرائیل کے فلسطینیوں کے خلاف جنگی جرائم کی تحقیقات کے اعلان کے بعد امریکا کی مخالف کو قابض دشمن کے جنگی جرائم پر پردہ ڈالنے کی مجرمانہ کوشش قراردیا ہے۔
اپنے جاری بیان میں انھوں نے کاہ کہ فلسطینی قوم پر مظالم میں نہ صرف قابض صیہونی ریاست اسرائیل بلکہ امریکا بھی برابر ملوث ہے امریکی انتظامیہ کی طرف سے فلسطینیوں کے خلاف جنگی جرائم کی تحقیقات کی مخالفت ‘شرمناک موقف’ ہے۔
ترجمان کا کہنا ہے کہ امریکی حکومت کا عالمی فوج داری عدالت کی تحقیقات کے بارے میں موقف اسرائیلی ریاست کے جرائم میں مزید اضافے کا سبب بنے گا، یہ مجرمانہ طرز عمل قابض دشمن کے جرائم کی حوصلہ افزائی کے مترادف ہے اور اس کے نتیجے میں خطے میں کشیدگی میں اور بھی اضافہ ہوگا۔