(روز نامہ قدس ۔آنلائن خبر رساں ادارہ ) قابض ریاست میں صہیونی بلدیاتی ادارے کا فلسطینی رہائشی علاقوں میں غیر قانونی آباد کاروں کے لیے مکانات کی تعمیرکی منظوری القدس پر قبضے کی مذموم سازش کا حصہ ہے۔
عبرانی اخبار ہاریٹز کے مطابق گذشتہ رو زقابض ریاست اسرائیل میں صہیونی بلدیاتی ادارے لوکل پلاننگ اینڈبلڈنگ کمیٹی کے توسط سےمقبوضہ بیت المقدس شہر کےمشرق میں صہیونی آبادکاری بستی کے لیے دو ہزار سے زیادہ یونٹوں کی تعمیر کی منظوری دے دی گئی۔
کمیٹی کی جانب سے مقبوضہ بیت المقدس سے متصل ابوغنیم محلے کے اندر صہیونی غیرقانونی آباد کاروں کے لیے 540 یونٹ کی تعمیر کے احکامات جاری کیے گئے ہیں جبکہ دوسری صہیونی بستی بیت صفافا کے قریب جفعات هماتوس محلے میں تعمیر کی جائے گی جس میں 2،000 مکانات کے لیے منظوری دی گئی ہے۔
صہیونی ریاست میں بلدیاتی ادارے کے ان دونوں منصوبوں کا مقصد بیت صففا محلے کے رہائشی فلسطینیوں کو تنگ کرنا اور مستقبل کے سیاسی حل کے تحت مقدس شہر سے فلسطینی شہریوں کو جبری طور پردور کر نے کی منظم سازش ہے ۔