(روز نامہ قدس ۔آنلائن خبر رساں ادارہ )افریقی ممالک کے سربراہان نے کہا ہے کہ صیہونی ریاست مقبوضہ فلسطین میں غیر انسانی اقدامات سے بین الاقوامی قوانین کی دھجیاں اڑارہی ہے ، صیہونی ریاست فلسطین کے خلاف تشدد اور املاک کی مسماری کی تمام سرگرمیوں کی ذمہ دار ہے۔
افریقی ملک نائیجیریا کے دارالحکومت ابوجامیں منعقد ہونےو الے افریقی یونین کے 34ویں سالانہ سمٹ کے موقع پر شریک سربراہان نے مقبوضہ فلسطین میں غیر قانونی صیہونی ریاست اسرائیل کے اقدامات کی شدید الفاظ میں مذمت کی ہے ، یونین نے مقبوضہ مغربی کنارے، مشرقی بیت المقدس اور وادی گولان میں صیہونی آبادکاری کو غیر قانونی قرار دیتے ہوئے کہا ہے کہ اسرائیل فلسطینی شہریوں کے خلاف تشدد اور املاک کی مسماری کی تمام سرگرمورں میں ملوث ہے جو بین الاقوامی قوانین کی کھلی خلاف ورزی ہے۔
اپنے جاری اعلامیہ میں افریقن یونین نے اس بات کا اعادہ کیا ہے کہ وہ مسئلہ فلسطین کے دوریاستی حل کیلئے دیگر بین الاقوامی اداروں کے اشتراک کے ساتھ 4 جون 1967 کی فلسطینی ریاست کے قیام کے لئے کام کرے گی۔