(روزنامہ قدس ۔آن لائن خبر رساں ادارہ) فلسطینی وزارت خارجہ کا کہنا ہے کہ فلسطینیوں کے گھروں کی مسماری اسرائیل کا جنگی جرم ہے جس کے لئے صہیونی ریاست کا کڑا احتساب ہونا چاہیے۔
فلسطینی وزارت خارجہ نے اقوام متحدہ کے ادارہ برائے انسانی حقوق’اوچا’ کی طرف سے جاری کردہ رپورٹ پر سخت ردعمل دیتے ہوئے کہا ہے کہ فلسطینیوں کے گھروں کی مسماری اسرائیل کا جنگی جرائم میں سے ایک سنگین جرم ہے جس کے لئے صہیونی ریاست کا کڑا احتساب ہونا چاہیے اور جرم میں ملوث ہرصہیونی مجرم کو انصاف کے کٹہرے میں لانا چاہئے ۔
فلسطینی وزارت خارجہ کا کہنا ہے کہ صہیونی ریاست فلسطینیوں کو ایک سوچے سمجھے منصوبے کے تحت ہجرت پرمجبور کررہا ہے۔ اقوام واضح رہے کہ متحدہ کے ادارہ برائے انسانی حقوق’اوچا’ کی طرف سے جاری کردہ رپورٹ میں انکشاف کیا گیا ہے کہ گزشتہ سال کے مقابلے میں رواں سال 2019ء کے دوران صیہونی ریاست کی جانب سے فلسطینیوں کے گھروں کے انہدام میں 35 فیصد اضافہ ہواہے ، صیہونی فوج نے فلسطینیوں کی چھ سو سے زائد مکانات اور املاک مسمارکیے یا ان پرقبضہ کیا جس کے نتیجے میں خواتین اور بچوں سمیت نو سو کے لگ بھک فلسطینی بے گھرہوئے۔