(روز نامہ قدس ۔آنلائن خبر رساں ادارہ ) قابض ریاست نے غیر قانونی صیہونی بستی میں توسیع کا فیصلہ کیا ہے جس کے تحت بستی میں 900 نئے رہائشی مکانات، تجارتی مراکز اور اس آبادی کو دیگر آبادیوں سےجوڑنےکیلئے ریلوے لائن کا منصوبہ شروع کیا جارہا ہے۔
صیہونی ریاست کے معروف عبرانی اخبار کے مطابق صیہونی حکام نے مقبوضہ بیت المقدس کے شمالی علاقے میں تعمیر کردہ غیر قانونی صیہونی بستی ‘بسگات زئوب’ میں توسیع کا فیصلہ کیا ہے 350ملین ڈالر سے تعمیر ہونے والے اس توسیعی منصوبے میں مزید 900 رہائشی مکانات، تجارتی مراکز، شمالی اور مغربی بیت المقدس کے درمیان ریلوے پٹری کا قائم کر نا بھی شامل ہے۔
واضح رہے کہ بسگات زئوب صیہونی غیر قانونی بستی 1967میں قائم کی گئی تھی جس کے بعد شمال مغربی بیت المقدس کے بہت سے علاقوں کا آپس میں زمینی رابطہ کٹ گیا ہے۔