(روز نامہ قدس ۔آنلائن خبر رساں ادارہ ) صیہونی وزارت صحت کا کہنا ہےکہ کورونا سے بچاؤ کی ویکسین فراہم کیے جانے کے باوجود اتنی بڑی تعداد میں لوگوں کے کورونا کا شکار ہونے پر تشویشناک ہے۔
فلسطین پر قابض صیہونی ریاست اسرائیل میں عالمی وبا کورونا وائرس نے تباہی مچادی، صیہونی وزارت صحت کی جانب سے جاری کردہ یومیہ رپورٹ کے مطابق گذشتہ 24 گھنٹوں کے دوران کورونا وائرس کے 10 ہزار سے زائد افراد کے متاثر ہونے کی تصدیق کی گئی ہے یہ تعداد کورونا وبا پھیلنے کے بعد اسرائیل میں ایک دن میں یہ اب تک کی سب سے بڑی تعداد ہے۔
صیہونی وزارت صحت کے مطابق صہیونی ریاست کی جانب سے 20 لاکھ افراد کو کورونا وائرس سے بچاؤ کی ویکسین فراہم کیے جانے کے باوجود اتنی بڑی تعداد میں لوگوں کے کورونا کا شکار ہونے پر تشویشناک صورت حال پیدا ہوگئی ہے،
واضح رہے کہ وباکے پھیلنے کے بعد سے یہ ایک ہفتے کے دوران کورونا کیسز کی سب سے بڑی تعداد ہے اس سے قبل اسرائیل میں ایک روز میں 9 ہزار 714 کورونا کیسز کی تصدیق کی گئی تھی۔