(روزنامہ قدس ۔آن لائن خبر رساں ادارہ) اسرائیلی وزارت صحت کا کہنا ہے کہ ریاست میں گزشتہ روز کورونا وائرس سے 10 غیر قانونی آبادکارہلاک ہوئے جبکہ متاثری کی مجموعی تعداد 12ہزار 200 ہوگئی ہے۔
قابض صیہونی ریاست اسرائیل کی وزارت صحت کی جانب سے جاری بیان میں مزید 10 یہودی کی ہلاکت کی تصدیق کرتے ہوئے کہا گیا ہے کہ عالمی وباء کورونا سے بچاؤ کے تمام اقدامات کے باوجود ملک میں کورونا کے پھیلاؤ میں کمی دیکھنے میں نہیں آرہی ہے اور اب تک اس وباء سے متاثر ہونے والے اسرائیلیوں کی تعداد 12 ہزار 200 ہوچکی ہے جس میں سے 176 کی حالت تشویشنا ک ہے ۔
بیان میں بتایا گیا ہے کہ ملک میں وائرس سے بچاؤ کے اقدامات جاری ہیں اور لاک ڈاؤن پر سختی سے عمل کیا جارہا ہے جس کے تحت تمام عوامی اجتماعات کے مقامات بند ہیں ۔