(روز نامہ قدس ۔آنلائن خبر رساں ادارہ ) اسرائیل نے مقبوضہ فلسطین کے محصور شہر غزہ کو اور بھارت نے مقبوضہ کشمیر کو دنیا کی سب سے بڑی جیلوں میں تبدیل کردیا ہے جہاں انسانی حقوق کی سنگین خلاف ورزیاں معمول بن گئیں ہیں۔
نظام مصطفی پارٹی کے صدرسابق وفاقی وزیر پیٹرولیم وقدرتی وسائل ڈاکٹر حاجی محمدحنیف طیب نے انسانی حقوق کے عالمی دن کے موقع پر ایک بیان میں کہاکہ اقوام متحدہ اورانسانی حقوق کی عالمی تنظیموں کو شدید تنقید کا نشانہ بناتے ہوئے کہاہے کہ ایک جانب ہندتوا اور دوسری جانب صیہونیوں کے نہتے فلسطینیوں اور کشمیریوں پر مظالم جاری ہیں لیکن انسانی حقوق کے سب سے بڑے علمبردار اقوامتحدہ کو یہ سنگین جرائم نظر نہیں آتے ۔
انھوں نے کہا کہ بھارتی حکومت نے مقبوضہ کشمیر اوراسرائیل نے فلسطین کے شہر غزہ کو دنیا کی سب سے بڑی جیلوںمیں تبدیل کردیا ہے جہاں انسانی حقوق کی بدترین دھجیاں بکھیری جارہی ہیں ۔