(روزنامہ قدس ۔آنلائن خبر رساں ادارہ ) مراکشی وزیراعظم کا کہنا ہےکہ اسرائیل ایک قابض ریاست ہے جو فلسطینیوں کے خلاف انسانی حقوق کی سنگین پامالیوں کا مرتکب ہے لہٰذا وہ اسرائیلی وزیرخارجہ کے ساتھ ملاقات کرنا پسند نہیں کرتے۔
قابض صیہونی ریاست کے ذرائع ابلاغ نے انکشاف کیا ہے کہ اسرائیلی وزیرخارجہ یائرلبید 11 اور 12 اگست کی رات مراکش پہنچ رہے ہیں تاہم مراکشی وزیراعظم سعد الدین عثمانی نے ان سے ملاقات کرنے سے انکارکردیا ہے۔
اسرائیلی ذرائع ابلاغ کا کہنا ہے کہ مراکشی وزیراعظم کی جانب سے انکار کے بعد یائرلبیداب اپنے مراکشی ہم منصب ناصر بوریطہ سے ملاقات کریں گے اور باہمی دلچسپی کے امور پر تبادلہ خیال کریں گے ۔
واضح رہے کہ گذشتہ برس قابض صیہونی ریاست کے ساتھ مراکشی عوام کی امنگوں کے خلاف تعلقات استوار کرنے کےبعد یہ کسی بھی اسرائیلی اعلیٰ حکام کا پہلا دورہ مراکش ہے۔
دوسری جانب وزیراعظم سعدالدین عثمانی نے اسرائیلی وزیر خارجہ سے ملاقات سے انکارکرکی وجہ بتاتے ہوئے کہا ہے کہ اسرائیل ایک قابض ناجائز ریاست ہے جو فلسطینیوں کے خلاف انسانی حقوق کی سنگین پامالیوں کی مرتکب ہوری ہے اس وجہ سے وہ یائرلبید کے ساتھ ملاقات نہیں کرسکتے۔