(روزنامہ قدس ۔آن لائن خبر رساں ادارہ)اسرائیلی ذرائع ابلاغ نے الزام عائد کیا ہے کہ گزشتہ روز فلسطینیوں نے یہودی کالونی میں گھسنے کے لیے اس کی بیرونی دیوار پھلانگ کر اندر آنے کی کوشش کی تھی تاہم فوج کے بروقت ردعمل سے کوشش کو ناکام بنادیا گیا۔
عبرانی میڈیا نے فلسطینیوں پر الزام عائد کرتے ہوئے کہا ہے کہ گزشتہ روز تین فلسطینیوں نے مقبوضہ بیت المقدس کے شہر طولکرم میں قائم دیوار علیحدگی کو عبور کرتے ہوئے قائم یہودی کالونی میں داخل ہونے کی کوشش کی تاہم اسرائیل فوج کی بروقت کارروائی سے اس کوشش کو ناکام بنادیا گیا ۔
اسرائیل میڈیا نے اسرائیلی فوج کےحوالے سے کہا ہے کہ فلسطینیوں کی مبینہ دراندازی کے بعد یہودی کالونی کے گرد سیکیورٹی بڑھادی گئی ہے تاہم دراندازی کی کوشش کرنے والے فلسطینی بہ حفاظت واپس فرار ہوگئے۔