(روزنامہ قدس ۔آن لائن خبر رساں ادارہ) فلسطینی قیدیوں کی تفصیلات فراہم کرنے والے ادارے کا کہنا ہے کہ رواں سال اسرائیلی فوج اور پولیس نے 10 سے زائد فلسطینی صحافیوں کو پیشہ ورانہ امور کی انجام دہی کے دوران گرفتار ا ور اغواء کیا ہے ۔
ذرائع کے مطابق گزشتہ روز قابض اسرائیلی فوج نےمقبوضہ بیت المقدس کے علاقے بیت حنینا سے ایک فلسطینی صحافی عنان نجیب کو اس کے گھر میں گھس کر اغواء کرنے کے بعد نامعلوم مقام پر منتقل کردیا۔
واضح رہے کہ امریکی صدر ڈونلڈ ٹرمپ کی جانب سے مشرقی وسطیٰ کیلئے تیار کردہ نام نہاد امن منصوبہ صدی کی ڈیل کے اعلان کے بعد سے اسرائیلی فوج اور پولیس کی جانب سے فلسطینیوں کے خلاف انتقامی کارروائیوں میں غیر معمولی اضافہ دیکھنے میں آیا ہے۔