(روزنامہ قدس ۔آن لائن خبر رساں ادارہ) قابض اسرائیلی فوج نے فلسطینی پولیس اہلکار کو اس کے دفتر میں گھس کر گولیاں مار کرشہید کردیا۔
مقامی ذرائع کے مطابق گزشتہ روز جمعرات کو قابض صیہونی فوج نے مقبوضہ بیت المقدس کے شہرجنین کے علاقے قلقیلہ کے رہائشی 25 سالہ فلسطینی پولیس اہلکار طارق احمد لوئی بدوان کو مقبوضہ مغربی کنارے کے شمالی شہر جنین میں پولیس اسٹیشن میں گھس کر گولیاں ماری جس کے نتیجے میں وہ شہید ہوگیا۔
وزارت اطلاعات فلسطین کی جانب سے جاری بیان میں بتایا گیا ہے کہ اسرائیلی فوجیوں نے جنین کے علاقے البساتین میں قائم فلسطینی پولیس کے ہیڈ کوارٹر میں گھس کر گولیاں ماری جس سے وہ شدید زخمی ہوا، زخمی پولیس اہلکار کو فوری طورپر جنین اسپتال منتقل کیا جہاں وہ زخموں کی تاب نہ لاتے ہوئے شہید ہوگیا ۔
واضح رہے کہ گزشتہ 24 گھنٹوں کے دوران صیہونی فوج نے پولیس اہلکار سمیت پانچ فلسطینیوں کو شہید کیا جن میں ایک 19 سالہ یزن منذر ابو طبیخ اور ایک 17سالہ فلسطینی بچے بھی شامل ہیں ۔