(روزنامہ قدس ۔آن لائن خبر رساں ادارہ) اسرائیل کی فوجی عدالت نے فلسطینی نوجوان کو اسرائیلی فوجی پر چھریوں سے حملہ کرنے کے الزام میں 9 سال قید اور 40 ہزار شیکل جرمانے کی سزا سنائی ہے۔
اسرائیل کی ایک فوجی عدالت نے مقبوضہ بیت المقدس کے رہائشی 22 سالہ فلسطینی براء کاید عیسیٰ کو اسرائیلی فوجی پر چھری سے حملے میں شدید زخمی کرنے کے جرم میں مقدمہ چلایا گیا اور فوجی عدالت عوفر میں 36 مرتبہ مقدمے کی سماعت کے باعد 9 سال قید اور 40 ہزار شیکل (اسرائیلی کرنسی ) جرمانے کی سزا سنادی ۔
واضح رہے کہ براء کاید عیسیٰ کا تعلق فلسطینی مزاحمتی تنظیم الفتح کے عسکری ونگ سے ہے اور اس نے مغربی کنارے پر ایک بازار میں اسرائیلی فوجی پر چھری سے حملے سے پہلے سماجی رابطوں کی ویب سائٹ فیس بک پر اپنی ایک ویڈیو میں حملے کے اعتراف کا ارادہ ظاہرکیا تھا ۔ صیہونی فوجی پر حملے کے بعد براء کاید عیسیٰ اسرائیلی فوجیوں کی گولیوں سے شدید زخمی ہوگیا تھا ۔