(روز نامہ قدس ۔آنلائن خبر رساں ادارہ ) اسرائیلی صدر روون نے نتین یاہو کونئی حکومت سازی کیلئےنامزد تو کر لیا ہے تاہم خدشہ ظاہر کیا ہے کہ صہیونی پارلیمنٹ میں اعتماد کا ووٹ حاصل کرنے میں ناکام رہیں گے۔
عبرانی ذرائع ابلاغ کے مطابق اسرائیلی صدر روون ریولن کی جانب سے وزیراعظم بنیامین نیتن یاہو کو نئی حکومت بنانے کی پیشکش کی گئی ہےاور نئی حکومت سازی کے لیے وزیراعظم نتین یاہو کو نامزد کر لیا گیا ہے تاہم اسرائیل میں عوامی سطح پر صہیونی وزیر اعظم نیتن یاھو کے لیے ناپسندیدگی اور انتخابات میں کسی بھی جماعت کی اکثریتی کامیابی نہ ہونے کے باعث روون ریولن نے خدشہ ظاہر کیا ہے کہ کوئی بھی امیدوار اس پوزیشن میں نہیں ہے کہ وہ پارلیمنٹ میں اعتماد کا ووٹ حاصل کر سکے۔
واضح رہے کہ اسرائیلی وزیر اعظم نتین یاہو 2009 ء سے مسلسل اقتدار میں ہیں تاہم نیتن یاھو اسرائیل کے وہ واحد سر براہ بھی ہیں جنہیں بد عنوانی، رشوت اورسرکاری اختیارات کو اپنے ذاتی مفادات میں استعمال کرنے کے الزامات کے بعد اسرائیلی عدالت میں مقدمات کا سامنا ہے جس کے باعث اسرائیلی عوام میں ان کے لیے شدید ناپسندیدگی پائی جاتی ہے۔