(روز نامہ قدس ۔آنلائن خبر رساں ادارہ ) برطانیہ کیلئے اسرائیلی سفیر اور سابق وزیربرائے غیر قانونی آبادکاری تسیپی هوتوفلی نے جوئش کرونیکل کودیئے گئے انٹر ویو میں برطانوی حکام سے مطالبہ کیا ہے کہ وہ بھی امریکا کی طرح اپنے سفارتخانے کو تل ابیب سے بیت المقدس میں منتقل کریں۔
انھوں نے قابض صیہونی ریاست اسرائیل کے عرب ممالک کے ساتھ حالیہ ہونے والے سفارتی تعلقات کے معاہدوں کا خیر مقدم کرتےہوئے کہا ہے کہ جلد مزید ایسے معاہدے طے پائیں گے بہت سے ممالک اسرائیل کے ساتھ سفارتی تعلقات قائم کرنا چاہتے ہیں بہت جلد ان معاہدوں کا اعلان کیا جائیگا ۔
انھون نے کہا کہ اسرائیل کے قیام کے بعد سے بیت المقدس ہی اسرائیل کے دارالحکومت ہونے کی عکاسی کرتا ہے اس لئے ہم چاہتے ہیں کہ تمام ممالک اپنے سفارتخانے بیت المقدس میں منتقل کریں اور اس حوالے سے بہت جلد برطانوی وزیراعظم بورس جانسن کے ساتھ معاملے کو اٹھایا جائیگا ۔