اسرائیلی جیل اسپتال میں فلسطینی مریضوں کاعلاج نہیں کیا جاتا، فواز شلودی

(روزنامہ قدس ۔آن لائن خبر رساں ادارہ ) فلسطینی محکمہ امور اسیران کے مندوب نے انکشاف کیا ہے کہ  اسرائیلی جیل کے اسپتال میں فلسطینی قیدیوں کو کسی قسم کی صحت کی سہولیات میسر نہیں ہیں  بلکہ ان اسپتالوں میں اسیروں کی زندگیاں  خطرے میں ہیں۔

فلسطینی محکمہ امور اسیران کے مندوب فواز شلودی  نے انکشاف کیا ہے کہ صہیونی ریاست کی جانب سے  فلسطینی قیدیوں کے علاج کے لیے مختص الرملہ جیل اسپتال میں داخل فلسطینی قیدی مریضوں کو کسی قسم کی طبی سہولت میسر نہیں نام نہاد اسپتال منتقل کرکے ان کی مشکلات میں اور بھی اضافہ کردیا گیا ہے۔

انھوں نے بتایا کہ انہوں نے گزشتہ روز الرملہ جیل اسپتال میں داخل متعدد فلسطینی مریض قیدیوں سے ملاقات کیان کی طبی حالت انتہائی ناگفتہ بہ ہے اورانہیں انتہائی سنگین اور مشکل حالات میں رکھا گیا ہے۔

شلودی نے بتایا کہ رملہ جیل اسپتال میں اس وقت 14 فلسطینی مریض قیدی داخل ہیں انہیں بنیادی طبی نگہداشت کی سہولت میسر نہیں بلکہ اسپتال میں لائے جانے کے باوجود ان کے ساتھ انتقامی کارروائیاں جاری ہیں۔