اسرائیلی  انتخابات میں شدت پسندوں کا آپس میں مقابلہ ہے، حماس

(روز نامہ قدس ۔آنلائن خبر رساں ادارہ )  حماس کا کہنا ہے کہ صیہونی ریاست کے  انتخابات  میں شدت پسندوں کا انتہاپسندوں سے مقابلہ ہے ، دونوں میں سے کوئی بھی گروہ جیتے لیکن غیر انسانی صیہونی پالیسز جاری رہیں گے۔

مقبوضۃ فلسطین میں صیہونی رہاستی دہشتگردی کے خلاف برسرپیکار اسلامی تحریک مزاحمت ‘حماس’ کے ترجمان حازم قاسم نے گذشتہ روز اسرائیلی پارلیمنٹ (کنیسٹ )کے انتخابات  کے حوالے سے جاری اپنے بیان میں کہا ہے کہ اسرائیل میں انتہا پسندوں  کا شدت پسندوں کے ساتھ  مقابلہ تھا ہمیں قضیہ فلسطین کے دفاع، اپنے حقوق کے حصول اور آزادی کے لیے ایک ایسے منظم اور متحد سیاسی نظام کی ضرورت ہے اکثریت کے اصول کے تحت اقتدار حاصل کرے اور فلسطینی قوم کی آزادی کے لیے مزاحمت کے اصول پر کام کرے۔

خیال رہے کہ گذشتہ روز اسرائیل میں 24 ویں پارلیمانی انتخابات کیلئے  پولنگ کرائی گئی۔ پولنگ رات 10 بجے تک جاری رہی ہے،  سیاسی عدم استحکام سے دوچار اسرائیل میں کنیسٹ کے دو سال میں یہ چوتھے عام انتخابات ہیں۔