(روزنامہ قدس ۔آن لائن خبر رساں ادارہ) دھوکا دہی، رشوت ستانی اور اعتماد کی خلاف ورزی اور بدعنوانی کی فرد جرم ہونے کے بعد ہزاروں اسرائیلیوں نے وزیراعظم نیتن یاھوں کے خلاف احتجاجی مظاہرہ کیا اور ان کے پتلوں کو نذر آتش کیا۔
غیر ملکی میڈیا کے مطابق اسرائیل کی ‘موومنٹ فار کوالٹی گورنمنٹ اِن اسرائیل‘ کی جانب سے اسرائیلی وزیراعظم نیتن یاھو کے خلاف دھوکا دہی، رشوت ستانی اور اعتماد کی خلاف ورزی اور بدعنوانی کی فرد جرم عائد ہونے پر منظم کئے گئے احتجاجی مظاہروں میں گزشتہ روز اسرائیلی دارالحکومت تل ابیب (تل الربیع) میں ہزاروں یہودی آباد کاروں نے سڑکوں پر نیتن یاھو کے استعفے کے حق میں مارچ کیا۔
احتجامی مظاہرے میں شریک ہزاروں شرکاء نے ‘مضبوط اسرائیل اور مضبوط جمہوریت‘ کے حق میں بینرز اٹھا رکھے تھے جبکہ نیتن یاھو کے خلاف پلے کارڈز بھی اٹھائے ہوہوئے تھے جس پر "بدعنوان نیتن یاھو "رشوت خور نیتن یاھو کے نعرے درج تھے۔ مظاہرین نے’کرپٹ نیتن یاھو، اقتدار چھوڑ دو’ کےنعرے لگائے۔عبرانی اخبار’یدیعوت احرونوت’ کے مطابق تل ابیب میں 10 گذشتہ ہفتے بھی 1500 سے زائد اسرائیلیوں نے نیتن یاھو کے استعفے کے حق میں مظاہرہ کیا تھا۔
واضح رہے کہ نیتن یاھو پر کرپشن، لوٹ مار، خیانت اور اختیارات کے ناجائز استعمال کے الزامات میں حال ہی میں فرد جرم عاید کی گئی ہے۔ عدالت کی طرف سے فرد جرم عاید کیے جانے کے بعد نیتن یاھو کے خلاف عوامی احتجاج اور ان کے استعفےلیے دبائو بڑھتا جا رہا ہے۔