مقبوضہ بیت المقدس (روز نامہ قدس ۔آن لائن خبر رساں ادارہ) مقبوضہ بیت المقدس شہرمیں فلسطینی نوجوانصیہونی فوج کی ایک چوکی پر پٹرول بم سے حملہ کرنے کے بعد بہ حفاظت فرار ہوگئے۔
روز نامہ قدس کو موصول ہونے والی اطلاعات کے مطابق دو فلسطینی نوجوانوں نے ’’شعفاط‘‘ پناہ گزین کیمپ کے قریب قائم کی گئی ایک چوکی پر پٹرول بم سے حملہ کیا اور فرار ہوگئے۔
رپورٹ کے مطابق فلسطینی شہریوں نے سلوان قصبے میں راس العامود کالونی میں صیہونی فوجیوں کی گاڑی پر پتھراؤ بھی کیا جس کے نتیجے میں گاڑی کو نقصان پہنچا تاہم اس کے نتیجے میں کوئی جانی نقصان نہیں ہوا ہے۔
خیال رہے کہ فلسطینی نوجوانوں کی طرف سے اسرائیلی فوجی چوکیوں پر پٹرول بموں سے حملہ اکثر کیے جاتے ہیں۔ فلسطینیوں کے یہ جوابی اقدامات صیہونی فوج کی روز مرہ کی بنیاد پر جارحیت کا نتیجہ ہیں۔