(روز نامہ قدس ۔آنلائن خبر رساں ادارہ ) اسرائیلی فوجی جیپ نے مقبوضہ مغربی کنارے کے شہر رام اللہ کے قریب فلسطینیوں کی گاڑی کا تعاقب کیا اور انھیں کر دیا۔
تفصیلات کےمطابق گذشتہ روز قابض صہیونی فوج کی جانب سےمقبوضہ فلسطین میں رام اللہ کے شمال مشرق میں واقع قصبہ یبرود کے قریب سے گزرتے ہوئے 4 فلسطینی باشندوں کا بغیر کسی وجہ کے پیچھا کیا جس کے بعد صہیونی فوجیوں نے گاڑی کو اپنی جیپ سے ٹکراتے ہوئے اسے سڑک کے کنارے ایک کھیت میں دھکیل دیااور جائع وقوع سے فرار ہوگئے۔
صہیونی فوج کی اس کارروائی کے نتیجے میں کار میں سوارفلسطینی نوجوان شدید زخمی ہوگئے اور انہیں شدید نوعیت کے زخم آئے۔
یہ ابھی تک واضح نہیں ہوا ہے کہ فوجیوں نے فلسطینیوں کی کار کا پیچھا کیوں کیا گیا تھا تاہم صہیونی فوج کی شرپسندی کا نشانہ بننے والے فلسطینی باشندوں کو قریبی ہسپتال منتقل کردیا گیا ہے۔
