قابض اسرائیل کی جارحیت جاری، غزہ میں امن خطرے میں

غزہ ۔ روزنامہ قدس ـ آنلائن خبر رساں ادارہ

قابض اسرائیلی افواج نے ہفتہ کے روز بھی غزہ میں سیز فائر کی کھلی خلاف ورزی جاری رکھتے ہوئے بمباری، توپ خانے کی گولہ باری اور گھروں کی تباہی کے مزید حملے کیے۔

مرکزاطلاعات فلسطین کے نامہ نگار کے مطابق قابض اسرائیلی فوج نے خان یونس کے مشرقی علاقوں میں کئی گھروں کو دھماکوں سے اڑا دیا۔

قابض اسرائیلی توپ خانے نے خان یونس کے مشرقی حصوں پر شدید گولہ باری کی اور متعدد فضائی حملے بھی کیے۔

اسی طرح رفح کے شمالی اور مشرقی علاقوں میں قابض اسرائیلی جنگی طیاروں نے کئی غارات کیں اور اس کے ساتھ ہی قابض اسرائیلی ٹینکوں کی جانب سے شدید فائرنگ بھی کی گئی۔ جنوبی غزہ کے یہ علاقے سیز فائر کے باوجود دن رات بمباری کا سامنا کر رہے ہیں۔

قابض فوج نے غزہ شہر کے مشرقی علاقے الشجاعیہ میں بھی گھروں کی تباہی کی کارروائیاں کیں جن سے پورا محلہ لرز اٹھا۔

قابض اسرائیل نے سیز فائر کے آغاز یعنی 10 اکتوبر سنہ 2025 سے اب تک سینکڑوں خلاف ورزیاں کی ہیں جن کے نتیجے میں 313 فلسطینی شہید ہوئے اور 760 زخمی ہوئے جبکہ ملبے سے 572 شہداء کی لاشیں نکالی گئیں۔ یہ تمام واقعات اس حقیقت کا اظہار ہیں کہ قابض اسرائیل جنگ بندی کے معاہدے کی روح اور متن دونوں کو روندتے ہوئے غزہ کے نہتے عوام پر اپنی سفاکیت جاری رکھے ہوئے ہے۔