(روز نامہ قدس ۔آنلائن خبر رساں ادارہ ) صیہونی آبادکار فلسطینی بزرگ خاتون کو دانستہ گاڑی تلے کچلنے کے بعد موقع سے فرار ہوگیا ،صیہونی فوج نے احتجاج کرنے والے فلسطینیوں کو ہی گرفتارکرلیا۔
مقامی ذرائع کےمطابق مقبوضہ بیت المقدس کے مشرقی شہر الخلیل میں غیرقانونی صیہونی آبادکار بزرگ فلسطینی خاتون شفیقہ ابو عقیل کو اپنی گاڑی تلے روندھنے کے بعدموقع سے فرار ہوگیا جس کے نیتجے میں 62 سالہ بزرگ خاتون جاں بحق ہوگئیں۔
واقع کی اطلاع ملتے ہیں فلسطینی باشندوں نے خاتون کی لاش کو قریبی اسپتال منتقل کیا اور اسرائیلی ریاستی دہشتگردی کے خلاف نعرے بازی کی، صیہونی فوجیوں نے مشتعل مظاہرین کو منتشرکرنے کیلئے آنسو گیس کی شیلنگ کی اور متعدد فلسطینیوں کو اپنے ساتھ ہونے والے بد ترین ظلم کے خلاف احتجاج کرنے کی پاداش میں گرفتارکرلیا۔
