(روزنامہ قدس ۔آن لائن خبر رساں ادارہ ) قطرکی امدادی رقم سے غزہ کے محصور شہریوں اور ضرورت مند وں کیلئے خوراک اور اجناس حاصل کی جائیں گی۔
فلسطینیوں کی بہبود کی ذمہ دار اقوام متحدہ کی ریلیف اینڈ ورکس ایجنسی (اونروا) کی جانب سے ایک بیان جاری بیان میں بتایا گیا ہے کہ قطر کے سرکاری فلاحی ادارے کی جانب سے مقبوضہ فلسطین کے محصور شہر غزہ کے محصورین کے لئے اقوام متحدہ کی ریلیف اینڈ ورکس ایجنسی (اونروا)کے ذریعے ڈیڑھ ملین ڈالر مالیت کی خوراک کا عطیہ کیا ہے
اقوام متحدہ کی ریلیف ایجنسی کا کہنا تھا کہ قطر کی طرف سے غزہ کی پٹی میں پناہ گزین کے طورپر رہنے والے لاکھوں فلسطینیوں کی خوراک کی ضرورت پوری کرنے میں مدد ملے گی۔خیال رہے کہ قطر کی طرف سے فلسطینی پناہ گزینوں اور غزہ کی پٹی کے عوام کی بہبود کے لیے پہلے بھی امداد فراہم کی جاتی رہی ہے۔