غزہ پر صہیونی فوجی درندگی کے خلاف دنیا بھر میں مظاہرے

(روزنامہ قدس ـ آنلائن خبر رساں ادارہ) ڈچ پولیس کے مطابق نیدرلینڈز کے دارالحکومت ایمسٹرڈیم میں ڈھائی لاکھ افراد نےغزہ پر سفاکانہ اسرائیلی مظالم کے خلاف مارچ کیا جس دوران مظاہرین کی جانب سے صہیونی حکومت سے قابض اسرائیل سے تعلقات ختم کرنے کا مطالبہ کیا گیا۔

غزہ پر ظالمانہ اسرائیلی مظالم کے خلاف ترکیے میں ہزاروں لوگ سراپا احتجاج رہے، دارالحکومت انقرہ اور استنبول میں ہزاروں مظاہرین نے فلسطینیوں کی نسل کشی بند کرنے کا مطالبہ کیا۔

مراکش کے دارالحکومت رباط میں غزہ کے حق میں ریلی نکالی گئی جس دوران غاصب اسرائیل سے نسل کشی بند کرنے کا مطالبہ کیاگیا ۔

قاتل صہیونی حکومت کے خلاف دارالحکومت تل ابیب میں ہزاروں افراد سڑکوں پر نکل آئے او رسفاک حکومت سے جنگ بندی اور یرغمالیوں کی رہائی کا مطالبہ کیا۔

کیتھولک مسیحوں کے مذہبی پیشوا پوپ لیو نے امن مذاکرات میں نمایاں پیش رفت کی کامیابی کی امید ظاہر کرتے ہوئے فوری جنگ بندی کا مطالبہ کیا۔

علاوہ ازیں قاتلانہ ا سرائیلی حملوں کا سلسلہ نہ رک سکا اور چوبیس گھنٹوں کے دوران غزہ میں مزید سترستر فلسطینی شہید ہوگئے۔