(روزنامہ قدس ۔آن لائن خبر رساں ادارہ) قابض صہیونی بلدیہ نے فلسطینی باشندوں کے ساتھ اب مویشیوں کے باڑوں اور ان کے گوداموں کو بھی غیر قانونی قرار دیتے ہوئےمسماری کا عمل شروع کردیاہے۔
ذرائع کے مطابق مقبوضہ فلسطین میں صہیونی بلدیہ نے مقبوضہ بیت المقدس کے ضلع سلوان کے قصبے میں فلسطینی الرويدی خاندان کے آبائی گھر کے ساتھ بنے گودام اور مویشیوں کے باڑے کو کو غیر قانونی قرار دیتے ہوئے فوری مسماری کاحکم جاری کردیا جس کے انہدام کےنتیجے میں الرويدی خاندان کے ساتھ ان کے مویشیوں کی رہائش بھی چھن جائے گی۔
واضح رہے کہ صیہونی فوج فلسطینیوں کے رہائیشی گھروں اور دیگر املاک کو ایک منظم طریقے سے غیر قانونی قراریتے ہوئے مسمار کررہی ہے اور مسمار کیئے جانے والے علاقوں سے فلسطینیوں کو بے دخل کیا جارہا ہے جو غیر قانونی صیہونی آبادکاری کیلئے حالات کو سازگار بنانے کی مہم کا حصہ ہے۔