(روزنامہ قدس ۔آن لائن خبر رساں ادارہ) صیہونی آبادکاروں نے فلسطینی باشندوں پر تیز دھار آلے اور زہریلی گیس سے اس وقت حملہ کیا جب وہ اپنے گودام میں کام میں مصروف تھے ۔
مقامی ذرائع نے کہا کہ غیر قانونی صیہونی آبادکاروں نے مقبوضہ بیت المقدس میں گار پارک میں فلسطینیوں کے گودام پر تیز دھار آلے اور زہریلی گیس سے حملہ کیا جس کے نتیجے میں مجید فایفوس ، امیر الدبس اور عزالدین محمد نامی فلسطینی باشندے زخمی ہوگئے ہیں
تینوں فلسطینیوں کو طبی امداد کے لیے ہسپتال منتقل کر دیا گیا جہاں ان کی حالت خطرے سےباہر بتائی جارہی ہے ۔
واضح رہے کہ امریکی صدر ڈونلڈ ٹرمپ کی جانب سے مشرقی وسطیٰ کیلئے تیارکردہ نام نہاد امن منصوبے کے اعلان کے بعد سے مقبوضہ بیت المقدس سمیت مقبوضہ فلسطین کے دیگر شہروں میں غیر قانونی آبادکاروں کی جانب سے نہتے فلسطینیوں پر حملوں میں غیر معمولی اضافہ دیکھنے میں آیا ہے ۔