(روز نامہ قدس ۔آنلائن خبر رساں ادارہ ) گذشتہ سال شرپسند صیہونی آبادکاروں نے فلسطینیوں کے کم سے کم 8 باغوں کے 10 ہزار کے قریب پھلدار درختوں اور پودوں کو تباہ کیا ہے۔
مقامی ذرائع کے مطابق آج صبح شرپسند صیہونی آبادکاروں کے مسلح گروہوں نے مقبوضہ مغربی کنارےکے کے شہر نابلس کے جنوبی قصبے قصرہ میں فلسطینی خاندان کی ملکیت زیتو ن کے باغ پر حملہ کیا اور 130 سے زائد پھلدار درختوں کو کاٹ کر تباہ کرنے کے ساتھ ساتھ زیتون کے پھلوں کو چوری کرکے اپنے ہمراہ لے گئے۔
واضح رہے کہ اس سے قبل رواں ماہ کے آغاز میں شرپسند صیہونی آبادکاروں کے مسلح گروپ نے مقبوضہ مغربی کنارے کے ہی قصبے سلفیت میں کم سے کم تین ہزار کے قریب فلسطینیوں کی ملکیت تین ہزار سے زائد زیتون کے درختوں کو آگ لگا کر تباہ کردیا تھا ، گذشتہ سال مجموعی طور پر شرپسند صیہونی آبادکاروں کے ہاتھوں فلسطینیوں کے کم سے کم 8 باغوں کے 10 ہزار کے قریب پھلدار درختوں اور پودوں کو تباہ کیا ہے۔
