(روزنامہ قدس ۔آن لائن خبر رساں ادارہ ) مقامی ذرائع کا کہنا ہے کہ صیہونی پولیس نے گزشتہ روز مقبوضہ بیت المقدس میں مسجد اقصیٰ کے تاریخٰ دروازے باب السلسلہ کے قریب سے تین فلسطینی نوجوانوں کو سرعام تشدد کا نشانہ بنانے کے بعد گرفتارکرلیا۔
اس سے قبل اسرائیلی فوج اور پولیس نے علی الصبح مقبوضہ بیت المقدس کے مختلف علاقوں میں گھر گھر تلاشی کے نام پر لوٹ مار کی اور رہائشیوں کو تشدد کا نشانہ بنایا ۔
عینی شاہدین کے مطابق اسرائیلی پولیس نے باب السلسلہ کے قریب سے تین فلسطینی نوجوانوں کو روکا اور تلاشی لینے کے بعد انھیں سرعام تشدد کا نشانہ بنایا اور گرفتار کرلیا ۔
تینوں فلسطینی نوجوانوں کے حوالے سے اسرائیلی پولیس کی جانب سے کوئی اطلاعات موصول نہیں ہوئی ہیں ۔