(روزنامہ قدس ۔آن لائن خبر رساں ادارہ )ہفتہ وار انسداد آبادکاری مارچ کے آغازپر ہی صہیونی فوجیوں نے قلقیلیہ کےگاؤں پر دھاوا بول کرمارچ کے شرکاءپر ربڑ کے خول میں لپٹی دھاتی گولیاں برسائیں اوربھاری مقدار میں آنسو گیس کی شیلنگ کی ۔
ذرائع کے مطابق گزشتہ روز قابض ریاست میں صہیونی فوجیوں نےقلقیلیہ کے گاؤں کفرقدوم میں آبادکاری کی بڑھتی ہوئی سرگرمیوں کے خلاف9 سالوں سے جاری ہفتہ وار پرامن مارچ کے آغاز پر ہی شرکاءکومنتشر کرنے کے لیے بےدریغ ربڑ کے خول میں لپٹی دھاتی گولیاں برسائیں اور آنسو گیس کےگولے پھینکے۔
مارچ میں شریک متعدد افراددھاتی گولیوں کی زد میں آگئے جبکہ درجنوں دیگر افراد کو آنسو گیس کی بھاری مقدارمیں کی گئی، شیلنگ سے سانس میں شدید دشواری کا سامنا کرنا پڑا۔
واضح رہےکہ کفرقدوم میں فلسطینی باشندوں کا یہ ہفتہ وار احتجاجی مارچ مقبوضہ فلسطین میں صہیونی آبادکاروں کی بڑھتی ہوئی سرگرمیوں کے خلاف گزشتہ 9 سالوں سے جاری ہے۔