(روزنامہ قدس ۔آن لائن خبر رساں ادارہ ) شرپسند صہیونی آبادکاروں کے گروہ کے یہودی مذہبی رسومات کی ادائیگی کے نام پر قبلہ اول پر دھاوؤں کے ساتھ ساتھ مسلمانوں کی مقدس مقامات کی بے حرمتی کا سلسلہ بھی جاری ہے۔
اسلامی اوقاف اتھارٹی کے مطابق گزشتہ روز ڈیڑھ سو سے زائد شرپسند صہیونی آبادکاروں نے یہودی مذہبی رہنماؤں کی سربراہی اور صہیونی فوج او رپولیس کے حفاظتی حصار میں مسجد اقصیٰ کے مراکشی دروازے سے یہودی مذہبی رسومات کی ادائیگی کے نام پر دھاوا بولا اور جوتوں سمیت مسجد اقصیٰ میں داخل ہوکر مقدس مقامات کی بے حرمتی کی ۔
شرپسند صہیونی آبادکاروں کے مسجد اقصیٰ پر حملے کے دوران اسرائیلی پولیس نے مسجد اقصیٰ کے محافظ فادی علیان کو بلا جواز بھی گرفتارکرلیا ۔