(روز نامہ قدس ۔آنلائن خبر رساں ادارہ ) عرب لیگ نے صیہونی ریاست سے مطالبہ کیا ہ کہ وہ تمام فلسطینیوں بالخصوص خواتین ، بچوں عمر رسیدہ اور بیمار فلسطینیوں کو فوری رہا کرے۔
انسانی حقوق کے عالمی دن کے موقع پر عرب لیگ میں سماجی امور کی سفیرہ ھیفا ابو غزالہ قابض صیہونی ریاست اسرائیل سے تمام فلسطینیوں کی فوری رہائی کا مطالبہ کرتے ہوئے کہا ہے کہ جنیوار 4 معاہدے کی رو سے تمام ممالک قیدیوں کو تمام بنیادی انسانی حقوق فراہم کرنے اور ان کے تحفظ کے پابند ہیں۔ وبا کے دنوں میں اسرائیل پر بھاری ذمہ داری عاید ہوتی ہے کہ وہ فلسطینی قیدیوںبالخصوص بیماروں، بزرگوں، بچوں اور دائمی امراض کے شکار مریض قیدیوں کو فوری طور پر رہا کرے۔
ھیفا ابو غزلہ کا کہنا تھا کہ عرب انسانی حقوق چارٹر کے آرٹیکل 39 میں تمام انسانوں کی جسمانی، ذہنی اور نفسیاتی صحت کو یقینی بنانے کی ضرورت پر زور دیا گیا ہے۔
عرب لیگ نے عالمی برادری پر بھی زور دیا ہے کہ وہ اسرائیل قیدیوں کی رہائی کے لیے دبائو ڈالے اور جیلوں میں قید فلسطینیوں کے بنیادی حقوق پوری کرنے کے لیے اسرائیل پردباو ڈالے۔
واضح رہے کہ صیہونی جیلوں میں اس وقت 4500 فلسطینی قید ہیں ان میں 40 خواتین، 170 بچے اور 350 فلسطینی بغیر کسی الزام کے محض انتظامی قید کی غیر قانونی پالیسی کے تحت قید ہیں جبکہ 65 فلسطینی شہری ایسے بھی ہیں جن کی عمریں 60 سال سے زاید ہیں۔