(روز نامہ قدس ۔آنلائن خبر رساں ادارہ ) قابض فوج نے بیت المقدس سے پانچ فلسطینی افراد کو گرفتار کیاجبکہ متعدد گھروں میں تلاشی کے بہانے گھس کرروایتی توڑ پھوڑ کر کے املاک کو بھی نقصان پہنچایا۔
قیدیوں کی انجمن برائے اسیران کے بیان کے مطابق گزشتہ روز قابض صہیونی فوج نے مقبوضہ فلسطین کے شہر الكركفہ کے علاقے میں چھاپہ مارا اور دو نوجوانوں، محمود عماد سلهب اورمصطفى غنی سلهب کے علاوہ آزاد کیے گئے قیدی صالح الھریمی کو الصف سیف اسٹریٹ ایک اور آزا د کیے گئے قیدی فراس اليمینی کے علاوہ نوجوان نور قراقع کو گرفتار کر لیا جبکہ انجمن برائے اسیران کے نمائندے کے مطابق گذشتہ رات ہی قابض فورسز نے صحافی محمد قفیشہ کوالخلیل سے اس وقت گرفتار کرلیا جبکہ صہیونی آباد کاروں نے صحافی کو گھیرے میں لے کر تشدد کا نشانہ بنایا بعدازاں صحافی محمد قفیشہ کو ضمانت پر رہا کردیا گیا۔
واضح رہے کہ قابض فوج نے بیت المقدس سے پانچ فلسطینی افراد کو گرفتار کر کے تشدد کا نشانہ بنایا جبکہ متعدد گھروں کو جنہیں روزانہ کی بنیاد پر تنگ کیا جاتا ہے تلاشی کے بہانےان فلسطینی باشندوں کے گھروں میں گھس کرروایتی توڑ پھوڑ کر کےمقامی فلسطینیوں کی املاک کو نقصان پہنچایا۔