(روز نامہ قدس ۔آنلائن خبر رساں ادارہ ) تیونسی کپتان کا کہنا ہےکہ پائلیٹ کی حیثیت سے تل ابیب کے لیے پہلی پرواز میں حصہ لینے سے انکار پر مجھے معطل کردیا گیا۔
ذرائع کے مطابق گذشتہ روز تیونس میں امارات ایئر لائنز میں پائلیٹ کی حیثیت سے سر گرمیاں انجام دینے والے کیپٹن منعم کی جانب سے سماجی رابطے کی ویب سائیٹ فیس بک پر پوسٹ جاری کی گئی جس کے مطابق ان کا کہنا ہے کہ جب میں نے صہیونی ریاست کے معمول کے معاہدے کے خلاف احتجاجی طور پر تل ابیب کے سفر میں حصہ لینے سے انکار کردیا تو حکام کی جانب سے میری ملازمتی سرگرمیوں کو فوری طور پر روک دیے جانےکے احکامات جاری کرتے ہوئے مجھے معطل کردیا گیا تاہم خدا میرے ساتھ ہےمیں مطمئن ہوں کہ مجھے یہی کرنا تھااور مجھے اس پر کوئی افسوس نہیں ہے۔