زہر دیئے جانے کا شبہہ، موت کا سبب جاننے کیلئے یاسر عرفات کی قبر کشائی

 فلسطینی انتظامیہ کو شبہ ہے کہ یاسر عرفات کو اسرائیل نے 2004ء میں پلونیم زہر دلوا کر مروا دیا تھا۔ یاسر عرفات کی بیوی سوہا عرفات نے قبر کشائی کی اجازت دے دی۔
 فلسطینی حکام نے سابق صدر یاسر عرفات کی قبر کشائی منگل کو کرنے کا اعلان کردیا۔ غیرملکی خبر ایجنسی نے فلسطینی حکام کے حوالے سے بتایا کہ یاسر عرفات کی قبر سے ان کی لاش کے نمونے لئے جائیں گے۔ ان کی لاش سے حاصل کئے گئے نمونوں پر زہر کی موجودگی کے ٹیسٹ کئے جائیں گے۔ فلسطینی انتظامیہ کو شبہ ہے کہ یاسر عرفات کو اسرائیل نے 2004ء میں پلونیم زہر دلوا کر مروا دیا تھا۔ یاسر عرفات کی بیوی سوہا عرفات نے قبر کشائی کی اجازت دے دی ہے۔ لہذا اب فلسطین کے سابق رہنما یاسر عرفات کی موت کا سبب جاننے کے لیے منگل کو قبر کشائی کر کے ان کی باقیات نکالی جائیں گی۔

حکام کا کہنا ہے کہ اس اقدام کا مقصد سابق رہنما کی موت کی تحقیقات کے سلسلے میں سائنسدانوں کو باقیات کے نمونے فراہم کرنا ہے۔ ان کے بقول دوبارہ تد فین منگل کو ہی کر دی جائے گی۔ سوئس طبیعاتی لیبارٹری کی طرف سے یاسر عرفات کے زیر استعمال چیزوں میں پولونیم (ایک تابکارہ مادہ) کے شواہد ملنے کے بعد رواں سال فرانس میں استغاثہ نے عرفات کی موت کی تحقیقات شروع کی تھیں، پیرس میں ان کا علاج کرنے والے ڈاکٹروں کا کہنا تھا کہ وہ یاسر عرفات کی موت کی وجہ کا تعین نہیں کر سکے۔