اسرائیلی حملے عالمی امن کیلئے خطرناک ہیں، رضاربانی

اسلام آباد سے میڈیا کو جاری بیان میں رضا ربانی کا کہنا تھا کہ اقوام متحدہ، لوگوں کے حقوق کا دفاع کرنے میں اپنی افادیت کھو چکا ہے، بدقسمتی سے اقوام متحدہ چھوٹے ممالک کے حقوق اور خود مختاری کا دفاع کرنے میں ناکام رہا ہے۔

 قومی سلامتی کمیٹی کے چیئرمین سینیٹر میاں رضا ربانی نے غزہ پراسرائیلی حملوں کی مذمت کرتے ہوئے کہا ہے کہ غزہ پر اسرائیلی حملوں کی پر زور مذمت کرتے ہیں، ان واقعات کا فوری نوٹس لینا امریکہ اور دیگر ممالک کیلئے چیلنج ہے۔ انہوں نے کہا کہ بےگناہ شہریوں پر بموں سے حملے ریاستی دہشتگردی ہے۔ ان کا کہنا تھا کہ اقوام متحدہ، لوگوں کے حقوق کا دفاع کرنے میں اپنی افادیت کھو چکا ہے، بدقسمتی سے اقوام متحدہ چھوٹے ممالک کے حقوق اور خود مختاری کا دفاع کرنے میں ناکام رہا ہے۔ رضا ربانی نے زور دیا کہ حکومت پاکستان اسرائیلی حملوں کی مذمت کرنے کے علاوہ ان حملوں کو رکوانے کیلئے تمام سفارتی چینلز کو متحرک کرے۔