عالمی بنک کی جانب سے فلسطین کے جنگ سے متاثرہ علاقے غزہ کی پٹی میں صحت کے شعبے کی بہتری کے لیے دو ملین ڈالر کی رقم بہ طور امداد فراہم کرنے کا اعلان کیا ہے۔
مرکز اطلاعات فلسطین کے مطابق فلسطینی وزارت صحت کے ترجمان ڈاکٹر اشرف القدرہ نے اپنے ایک بیان میں بتایا کہ عالمی بنک کی جانب سے فراہم کردہ امدادی رقم میں سے پانچ لاکھ ڈالر شہر میں صفائی کے لیے سرگرم کمپنیوں کو دیئے جائیں گے۔
ڈاکٹر القدرہ نے بتایا کہ غزہ کی پٹی میں عالمی امداد کا سلسلہ بند ہونے سے صحت اور صفائی کا سنگین بحران ہے۔ انہوں نے کہا کہ عالمی بنک کی جانب سے دو ملین ڈالر کی رقم ناکافی ہے، عالمی برادری بالخصوص امداد فراہم کرنے والے ادارے غزہ کی پٹی کی تعمیر نو اور بحالی کے سلسلے میں مزید امداد فراہم کریں۔
بشکریہ:مرکزاطلاعات فلسطین