اِک مرتبہ پھر انسانیت روئی ہے !
غزہ پر اسرائیلی جٹ طیاروںکے آگ اور بارُود کے بے رحم گولے
(صادق رضا تقوی مدیر وائس آف فلسطین)
سنی تم نے یہ خبر !!دل ہلا دینے کو کافی ہے !!
غزہ پھر سے ہے اِن دنوں
اسرائیلی جٹ طیاروں کے
بے رحم گولوں کے نشانے پر!
پھر سے شرافت کا جنازہ اُٹھا ہے ،
عظمت انساں کھوئی ہے!انسانیت روئی ہے!
شیشے کے محلوں میں رہنے والے
دل کے بدلے پتھر رکھنے والے
امن وحقوق کے یہ داعی
امن کی دنیا میں ،یہ جانوں میں زہر اگلنے والے
یہ درندہ صفت لوگ ہیںکیسے
یہ انسان نما درندے ہیں!
سفاکیت و بربریت کے یہ تاجر،یہ ہےں آج کے انساں؟!!
یہ مہکتی کلیاں،یہ معطر گلہائے زیست
یہ بیل بوٹے ،یہ فلسطیں کے سہانے گیت
یہ وطن میرا ہے ،
یہ چمن میرا ہے
میں اِسی سے ہوں
یہیں سے آغاز ِ سویرا ہے
یہ چھوٹے بچے
یہ ہاتھو ں میں قلم تھامے
یہ پیاری زندگی کے گیت گاتے
یہ مسکراتے لب ،یہ روشن ماتھے
ٓآگ برساتے یہ مشینی پرندے
الٰہی! یہ کیا ماجرا ہے ،
خوں میں غلطاں یہ ننھے بچے
خدا یا ! یہ کیا ہورہا ہے !
یہ آگ و خوں کے دریا
اوریہ بے رحم گولے
یہ ظلم کی بلند موجیں
یہ ہیںاُداسی کے جالے
یہ سسکتے بلکتے انساں
یہ جاں بہ لب جانیں
یہ اُکھڑتے سانسوں کی کہانی
یہ ہے دم توڑتی یادیں
کہاں ہیں امن کے سوداگر
امن عالم کے داعی
میری دنیا کے قاتل
یہی تو ہیں وہ سپاہی
میرا فلسطیںہے میری دنیا
سن لے یہ صہیونی و امریکہ
میں جاں سے گزر جاو¿ں گا
نہ دوں گا اِک انچ ٹکڑا
تم آگ برساتے جاو¿
ہم امن کی فاختہ لے کر
پورے عالم میںکریں گے تم کو رُسوا
تم ظلم کی حدیں توڑتے جاو¿تم گولے برساتے جاو¿
کامیابی ہماری ہے،شکست تمہاری ہے!