مرکز اطلاعات فلسطین کے مطابق غزہ کی پٹی میں جمعرات کے روز امریکا کے امدادی اداروں کے مراکز کے باہر دھرنے دیئے گئے اور احتجاجی جلوس اور ریلیوں کا انعقاد کیا گیا۔ مظاہرین نے امریکی ریاست شمالی کیرولینا میں ایک نیم پاگل شخص کے حملے میں فلسطینی، شامی نژاد ایک خاندان کے تین افراد کے قتل کی شدید مذمت کی اور اسے ایک وحشیانہ کارروائی اور بدترین دہشت گردی قراردیا۔
یاد رہے کہ حال ہی میں امریکا میں شمالی کیرولینا میں ایک انتہا پسند شخص نے فائرنگ کرکے فلسطینی، شامی نژاد شہری ضیاء برکات، اس کی اہلیہ یسر ابو صالحہ اور ایک سالی رزان کو شہید کردیا تھا۔ اس واقعے پر فلسطین میں شدید رد عمل سامنے آیا ہے۔ جمعرات کے روز غزہ کی پٹی میں مسلمان خاندان کے قتل کے خلاف ہونے والے احتجاجی مظاہروں کے دوران غزہ میں کام کرنے والے امریکی اداروں سے مطالبہ کیا کہ وہ بھی اس اندھے قتل اور دہشت گردانہ کارروائی کے خلاف آئندہ سوموار کے روز دفاتر بند رکھیں۔
بشکریہ:مرکزاطلاعات فلسطین