جموں و کشمیر سالویشن موومنٹ کے چئیرمین ظفر اکبر بٹ نے فلسطین میں اسرائیلی جارحیت پر او آئی سی اور اقوام متحدہ کی مجرمانہ خاموشی پر اپنے غم و غصہ کا اظہار کرتے ہوئے کہا ہے کہ اقوام متحدہ مسلم دشمنی کے اپنے رویہ کے پیش نظر اور اسرائیلی غنڈہ گردی و اس کی چودراہٹ سے آنکھیں
چراکر اپنی اہمیت کھو رہا ہے، انہوں نے اپنے بیان میں عالمی رہنماوں سے تاکید کی کہ اگر انہیں مظلوم عوام میں اپنی اعتباریت کو بحال کرانا ہے تو دیر ہونے سے قبل اپنی ذمہ داریوں کا ادراک کرتے ہوئے اپنی ذمہ داریوں کو پورا کرنا ہوگا، انہوں نے کہا کہ مسئلہ کشمیر سمیت دنیا کے دیگر مسائل جن میں فلسطین سر فہرست ہے، آج اسلامی ممالک کے حکمرانوں کی عدم توجہی اور عالمی اداروں کی مجرمانہ خاموشی کی وجہ سے زخموں سے چور ہے۔