(روزنامہ قدس ـ آنلائن خبر رساں ادارہ) صہیونی فوجی ذرائع نے اعتراف کیا ہے کہ سفاک صہیونی جنگی مجرم وزیراعظم نتن یاہو کی کابینہ صرف غزہ میں جاری نسل کش جنگ کے سہارے قائم ہے اور اگرجنگ رک جائے تو ناجائز حکومت بکھر جائے گی۔
عبرانی روزنامہ معاریو نے قابض اسرائیلی فوجی ذرائع کے حوالے سے رپورٹ دی ہے کہ نتن یاہو کسی بھی صورت آپریشن گدعون چیرئٹس آپریشن کو روکنے کا ارادہ نہیں رکھتے۔ ظالم غاصب جنگی جرائم کے مُرتکب وزیراعظم نے فیصلہ کیا ہے کہ یہ کارروائی ہر حال میں آخری مرحلے تک پہنچائی جائے گی۔
ذرائع کے مطابق جابر نتن یاہو بخوبی جانتے ہیں کہ اگر وہ جنگ کو جاری نہ رکھے تو کابینہ برقرار نہیں رہ سکے گی اور حکومت اندر سے ہی ٹوٹ پھوٹ کا شکار ہوجائے گی۔
تخمینوں کے مطابق یہ سفاک آپریشن کئی ماہ تک طول پکڑ سکتا ہے اور اس کے لیے مزید ریزرو فوجیوں کو بھی طلب کرنا پڑے گا۔
