(روزنامہ قدس ـ آنلائن خبر رساں ادارہ) یمن کی مسلح افواج نے اعلان کیا ہے کہ انہوں نے ایک بڑی کارروائی کے دوران چار ڈرون طیارے فائر کیے جن میں سے تین نے مقبوضہ فلسطین کے علاقے اُم الرشراش میں واقع سفاک اسرائیلی فوج کے رامون ایئربیس کو نشانہ بنایا۔
غاصب عبرانی ذرائع نے اس بات کی بھی تصدیق کی ہے کہ منگل کی شام یمن کی جانب سے ایک بیلسٹک میزائل داغا گیا جس نے قابض اسرائیل کے وسطی علاقے کو ہدف بنایا۔ اطلاعات کے مطابق، تل ابیب، مغربی القدس اور دیگر وسطی علاقوں میں میزائل داغے جانے کے بعد خطرے کے سائرن بج اٹھے۔
میدانی ذرائع کے مطابق مغربی کنارے کے وسطی حصے کی فضاؤں میں یمنی میزائل فائر ہونے کے بعد زوردار دھماکوں کی آوازیں سنی گئیں۔ عبرانی ذرائع نے یہ بھی بتایا کہ قابض جنگی مجرم وزیراعظم بنجمن نیتن یاہو کا طیارہ میزائل حملے کے باعث پرواز بھرنے کے چند ہی منٹ بعد ہنگامی طور پر اتار لیا گیا۔
دوسری جانب آج ہی کے دن قابض اسرائیلی جنگی طیاروں نے یمن کے مغربی شہر الحدیدہ کی بندرگاہ پر وحشیانہ بمباری کی۔
یہ تمام واقعات ایک ایسے وقت میں پیش آ رہے ہیں جب انصار اللہ غزہ میں ساتھ اکتوبر 2023 سے جاری اجتماعی قتل ِعام، نسل کشی اور صہیونی بربریت کے جواب میں قابض اسرائیل پر مسلسل حملے کر رہی ہے۔
