اسرائیل کی وادی اردن میں ہتھیاروں کی آزمائش ،3دنوں سے فلسطینی کھلے آسمان تلے رہنےپر مجبور

غرب اردن(روز نامہ قدس ۔آن لائن خبر رساں ادارہ)اسرائیل کی جانب سے وادی اردن میں اپنے ہتھیاروں کی تجرباتی آزمائش نے مقامی فلسطینیوں کو جبری بے گھر کردیا ۔
روزنامہ القدس کو موصول ہونے والی تفصیلات کے مطابق اسرائیل نے زیرقبضہ وادی اردن میں اپنے ہتھیاروں کی تجرباتی آزمائش کےلئے وہاں کے رہائشیوں کو جبری اپنے گھروں سے بے دخل کریا ہے ، تین دنوں سے جاری اس آزمائشی مراحل میں فلسطینی بغیر کسی رہائشی انتظام کے کھلے آسمان تلے بے سروسامانی میں رہنےپر مجبور ہیں
یاد رہے کہ صیہونی آباد گاروں کی جانب سے گزشتہ روز فلسطینی علاقوں میں ایک ہزار نئے رہائشی مکانات بنانے کی منظوری دی گئی ہے جس کے باعث ہزاروں فلسطینی بے گھر ہوجائیں گے جبکہ روزانہ کی بنیاد پر غرب اردن ، مغربی کنارے کے مختلف علاقوں میں فلسطینیوں کے گھروں کو بھی مسمار کیا جارہا ہے ۔