(روزنامہ قدس ۔آنلائن خبر رساں ادارہ )انسانی حقوق کونسل برائے فلسطین نےقابض صہیونی ریاست کی جانب سے اقوام متحدہ کے خصوصی تفتیش کار کو فلسطین میں داخلے سے روکنے کے فیصلے کی شدید مذمت کی ہے۔
تفصیلات کے مطابق فلسطینی انسانی حقوق کونسل نے اقوام متحد ہ کے خصوصی تفتیش کار مائیکل لنک کو فلسطین میں داخلے سے روکے جانے اسرائیلی فیصلے کی شدید مذمت کرتے ہوئے اس فیصلے کو تنقید کا نشانہ بنایا ہے۔
کونسل کی جانب سے جاری ایک بیان میں کہا گیا ہے کہ مائیکل لنک کا فلسطین میں داخلے سے روکے جانا افسوسناک ہے،اس طرح کی حرکات سے ثابت ہوتا ہے کہ اسرائیل فلسطین میں انسانی حقوق کی پامالی میں کس حد تک آگے چلا گیا ہے،اور وہ نہیں چاہتا کہ اس کے چہرے کی سیاہی مزید دنیا کے سامنے پیش کی جائے۔
ذرائع کے مطابق اقوام متحدہ کے نمائندے مائیکل لنک جنہوں نے آٹھ سے بارہ جولائی تک فلسطین کا دورہ کرنا تھا اور وہاں اسرائیل کی جانب سے کی جانے والی انسانی حقوق کی پامالیوں کا جائزہ لیکر رپورٹ تیار کرنی تھی۔لیکن اسرائیلی حکومت نے پیشگی طور پر ہی مزید ذلت و رسوائی سے بچنے کے لیے انکے فلسطین داخلے پر پابندی عائد کردی۔