(روزنامہ قدس آنلائن خبر رساں ادارہ ) فلسطینی خاتون رہنما رابا ہلال انٹرنیشنل کمیٹی آف موومنٹ کے انتخابات جیت لیے،وہ جنرل سیکرٹری کی سیٹ کے لیے امیدوار تھیں،واضح رہے کہ وہ اس عہدے کے لیے منتخب ہونے والی پہلی امیدوار ہیں جن کا تعلق یورپ سے نہیں ہے،ان کے عہدے کی مدت تین سال ہوگی۔
یہاں یہ بات بھی قابل ذکر ہے کہ فیلکن انٹرنیشنل زندگی کے مختلف شعبہ جات میں کام کرنے والا ایک اہم ادارہ ہے جس کے زیر سایہ پچاس سے زائد مختلف چھوٹے ادارے کام کر رہے ہیں۔
فیلکن انٹرنیشنل اس سے قبل 1987 میں فلسطین میں ہونے والی پہلی انتقاضہ تحریک میں اس وقت اقوام متحدہ سے امن کے پیامبر کا ایوارڈ وصول کرچکی ہے جب اس نےاقوام متحدہ اور دیگر عالمی طاقتوں کو خطوط لکھ کر فلسطینیوں پر ہونے والے اسرائیلی مظالم کی طرف توجہ دلائی تھی۔
رابا نے منتخب ہونے کے بعد میڈیا سے گفتگو کرتے ہوئے کہا کہ میں ہر اس شخص کا شکریہ ادا کرتی ہوں جنہوں نے میری حوصلہ افزائی کی،اور اس منصب کے لیے منتخب ہونے میں میری بھر پور رہنمائی کی۔انہوں یہ بھی کہا کہ میرے اس عہدے پر منتخب ہونا یہ ثابت کرتا ہے کہ فلسطینی لوگ بلخصوص فلسطینی عورتیں باصلاحیت ہیں،اور زندگی کہ کسی بھی شعبے میں دوسری اقوام سے کسی بھی طرح پیچھے نہیں ہیں۔اور وہ کوشش کریں گی کہ انکا اس عہدہ پر رہنا فلسطینی عوام کی فلاح و بہبود میں مدد فراہم کرے گا۔