عوامی دباؤ پر مائیکروسافٹ قابض اسرائیلی جاسوسی کی تحقیقات کرنے پر مجبور

(روزنامہ قدس ـ آنلائن خبر رساں ادارہ) ملازمین، میڈیا اور انسانی حقوق کے کارکنوں کے وسیع پیمانے پر احتجاج کے بعد مائیکروسافٹ نے اس بات کی تحقیقات شروع کر دی ہیں کہ آیا ظالم اسرائیلی فوج نے فلسطینیوں پر وسیع نگرانی کے لیے کمپنی کے کلاؤڈ پلیٹ فارم ایزورکا استعمال کیا ہے۔

پلیٹ فارم ایزورمائیکروسافٹ کی کلاؤڈ کمپیوٹنگ سروس ہے جو ڈیٹا اسٹوریج، سرور ہوسٹنگ، مصنوعی ذہانت کی پروسیسنگ اور ڈیٹا تجزیے جیسی سہولیات فراہم کرتی ہے۔

گارجین اور صہیونی ،فلسطینی میڈیا کی مشترکہ رپورٹ کے مطابق غاصب اسرائیلی فوج کے یونٹ بیاسی سو نے ایزور کے ذریعے روزانہ لاکھوں غزہ اور مغربی کنارے کے فون کالز ریکارڈ کیں اور امکان ہے کہ یہ ڈیٹا بمباری کے اہداف کی نشاندہی کے لیے استعمال ہوا ہو۔ بعض ذرائع کا کہنا ہے کہ مائیکروسافٹ کے اعلیٰ حکام 2021 سے اس منصوبے سے واقف تھے تاہم کمپنی کے منیجمنٹ نے اس الزام کی تردید کی ہے۔