(روزنامہ قدس ـ آنلائن خبر رساں ادارہ) غزہ میں جنگ بندی کے لیے غاصب اسرائیل میں اتوار کے روز ملک گیر ہڑتال اور احتجاج کی کال پر تل ابیب سمیت سفاک ریاست اسرائیل کے مختلف شہروں میں احتجاجی مظاہرے کیے گئے۔
تل ابیب میں جابر صہیونی فوج کے فوجی ہیڈکوارٹرز کے باہر بھی بڑی تعداد میں مظاہرین نے احتجاج کیا جبکہ قابض اسرائیلی مظاہرین نے سڑکوں پر آگ لگا کر متعدد شاہراہیں بھی بلاک کردیں۔
صہیونی مظاہرین نے جنگ روکو، یرغمالیوں کو واپس لاؤ کے پلےکارڈ اٹھا رکھے تھے، مظاہرین نے غزہ میں جنگ روکو کے نعرے لگائے۔
عبرانی میڈیا کے مطابق پولیس نے مظاہرین کو منتشر کرنے کے لیے واٹر کینن کا استعمال کیا جبکہ مظاہرین کے خلاف کارروائی میں قابض اسرائیلی پولیس نے تقریباً تیس مظاہرین کو گرفتار بھی کرلیا۔
