(روزنامہ قدس ـ آنلائن خبر رساں ادارہ)قابض اسرائیل اور حماس کے مابین جنگ بندی مذاکرات بے نتیجہ ختم ہو گئے، جبکہ امریکا کی جانب سے اپنی ٹیم واپس بلانے کا فیصلہ کرلیا گیا ہے۔
نائب ترجمان امریکی محکمہ خارجہ ٹامی پگٹ نے پریس کانفرنس کرتے ہوئے حماس کے ساتھ مذاکرات ناکام ہونے کا اعتراف کیا، اورقابض اسرائیلی مظالم کی بجائے غزہ کے مکینوں پر بربریت کا الزام حماس کے سر تھوپ دیا۔
انہوں نے کہا کہ قابض اسرائیل اور حماس کے مابین جنگ بندی مذاکرات بے نتیجہ ختم ہو گئے، جبکہ ہم غزہ میں متاثرین تک امداد پہنچانے کیلئے پرعزم ہیں، یاد رہے کہ گزشتہ دنوں بھی فلسطینی مزاحمتی تنظیم حماس نے قطر اور امریکا کی طرف سے غزہ میں جنگ بندی اور قیدیوں کے تبادلے کے نئے مجوزہ معاہدے پر ثالثوں کو مثبت جواب دیا تھا۔
حماس نے امریکی بیان پر ردعمل دیتے ہوئے کہا ہے کہ تنظیم مذاکرات جاری رکھنے کے لیے پرعزم ہے اور ایسا طریقہ اختیار کرنا چاہتی ہے جو رکاوٹوں کو ختم کر کے مستقل جنگ بندی معاہدے کی طرف لے جائے۔
یہ اعلان اس وقت سامنے آیا جب قابض اسرائیلی وزیراعظم بنیامین نیتن یاہو کے دفتر نے بھی تصدیق کی کہ اسرائیل نے قطر میں موجود اپنی مذاکراتی ٹیم کو واپس بلا لیا ہے۔
