(روزنامہ قدس ـ آنلائن خبر رساں ادارہ) مقبوضہ بیت المقدس میں لاطینی آرکیٹ کی جانب سے جاری بیان میں کہا گیا ہے کہ غاصب اسرائیلی فوج کے حملے میں ہولی فیملی چرچ کے کمپاؤنڈ کو نشانہ بنایا گیا جس کے باعث دو افراد جاہ بحق جبکہ متعدد زخمی ہوئے۔
ال اہلی عرب اسپتال کے قائم مقام ڈائریکٹر کےمطابق ہولی چرچ پر قابض صہیونی فوج کی طرف سے کیے گئے بزدلانہ حملے کے نتیجے میں زخمی ہونے والوں میں ایک معذور بچہ، دو خواتین اور ایک بزرگ شہری شامل ہیں جبکہ دو افراد کی حالت تشویش ناک ہے۔
عینی شاہد نے بتایا کہ قابض فوجی ٹینکوں کی طرف سےچرچ پر شدید شیلنگ کی گئی۔
صہیونی حملے کے وقت چرچ میں صہیونی حکومت کی غزہ میں جاری نسل کشی کے خاتمے اور خطے میں امن وامان کے لیے دعا کی جارہی تھی۔
غاصب جابر صہیونی فوج کا نشانہ بننے والے اس چرچ میں اُن مسیحیوں اور مسلمانوں نے پناہ لے رکھی تھی جو قابض فوج کے حملوں میں گھروں سے محروم ہوگئے تھے۔
