صہیونی حکومت غزہ کے چالیس فیصد علاقے پر قبضے کا منصوبہ

(روزنامہ قدس ـ آنلائن خبر رساں ادارہ) صہیونی حکومت نے جنگ بندی کے مذاکرات میں ایک ایسا منصوبہ پیش کیا ہے جس میں تقریباً چالیس فیصد غزہ بشمول پورے رفح پر قبضے کی خواہش ظاہر کی گئی ہے۔

اس منصوبے کے تحت قابض افواج شہر غزہ، رفح، بیت لاہیا، بیت حانون، خزاعة اور سرحدی علاقوں میں تین کلومیٹر تک اندرونی علاقوں میں موجود رہیں گی۔

رفح میں بے گھر افراد کو جان بوجھ کر ایک جگہ تک محدود کردیا گیا ہے تاکہ جبری ہجرت کی راہ ہموار ہو۔

اس منصوبے کے مطابق چالیس فیصد غزہ صہیونی حکومت براہ راست اپنے جبری اختیار میںرکھے گی اور ساتھ لاکھ سے زائد فلسطینی اپنے گھروں کو واپس جانے سے محروم رہیں گے۔

اسرائیل ایک سرحدی بفر زون اور کیمپوں کا قیام چاہتا ہے جنہیں مستقبل میں نظربندی اور جلاوطنی کے مراکز میں تبدیل کیا جا سکے ۔

حماس نے صہیونی حکومت کےجنگ بندی کے نام پہ اس غاصبانہ اور جابرانہ تسلط کویکسر مسترد کردیا ہےاورواضح کیا ہے کہ ہم کسی صورت اٹھارہ مارچ سے پہلے کی پوزیشن پر واپسی کےمطالبے سے پیچھے نہیں ہٹیں گے ۔

صہیونی حکومت کا یہ منصوبہ دراصل جنگ بندی سے کوسوں دور ہے اور اس کا مقصد غزہ کی آبادیاتی ساخت کو تبدیل کرنا ہے۔