اسرائیلی وزیر دفاع کا بیان: خامنہ ای کا زندہ رہنا اب ناقابلِ قبول ہے

(روزنامہ قدس ـ آنلائن خبر رساں ادارہ) قابض ریاست اسرائیل کے وزیردفاع نے کہا ہے کہ ایران کے سپریم لیڈر خامنہ ای کو مزید زندہ رہنے کی اجازت نہیں دی جاسکتی ۔اسرائیلی وزیردفاع اسرائیل کاٹز نے دھمکی دی ہے کہ کہ آج کے حملے کا خامنہ ای سے بدلہ لیں گے۔

انہوں نے کہا کہ خامنہ ای کو مزید زندہ رہنے کی اجازت نہیں دی جا سکتی، آیت اللہ خامنہ ای کی حکومت کو تہس نہس کر دیں گے۔قابض اسرائیلی وزیر دفاع کا کہنا تھا کہ تہران میں موجود خطرے کو ختم کرنے کے لیے حملوں میں شدت کی ہدایت کی ہے۔

واضح رہے کہ ایران نے آج صبح ایک دفعہ پھر قابض اسرائیلی شہروں پر بیلسٹک میزائل داغے جس سے اب تک 65 صہیونی کے زخمی ہونے کی اطلاع ہے جب کہ زخمیوں میں سے کچھ کی حالت تشویشناک ہے۔